حالة مصر اليومين دول

حضارة سبع آلاف من السنين

سؤال بيسأله كل المصريين

ليه أحنا متأخرين

وكلنا للأسباب عارفين

بس مستهبلين

ووقتنا كله مضيعين

وإحنا علي الكافيهات قاعدين

وللشيشة والمعسل شاربين

والبنات والولاد لبعض معلقين

والرجالة والستات جوازات عرفي ضاربين

وعندنا مدارس وجامعات كتير بس مش متعلمين

وفاشلين

جاهلين

وعندنا ناس بتسال ندخل الحمام بالرجل الشمال ولا اليمين

ورجالة وستات بيحلفوا أنهم للجن متجوزين

ومخلفين

متخلفين

وعندنا نيل طويل بس عطشانين

وأرض خضراء مزرعة بس جعانين

والخضار والفاكهة الحمد لله متسرطنين

وفي أنفلونزا الطيور طلعنا علي العالم التالتين

ودفنا الخنازير حية والأنفلونزا مش لاقيين

حتي السمك مسمم جبناه من الفلبين

وبقينا خلاص نباتيين

ومش لاقيين

والريس بتاعنا عدي الثمانين

وعلي بعض بس متفالحين

وعلي الغلبان بس نعمل جامدين

ولو عسكري المرور كلمنا ننزل نديله قلمين

لكن لو ضابط نقول له آمين

وندفع المخالفة حتي لو مش غلطانين

ونضحك في وش بعض وأول مانمشي نروح شاتمين

وكلنا نقول لبعض أنت عارف بتكلم مين

ورجالتنا مش عارفين وفي العسل نايمين

والستات تعبانين

3/4 البلد بيتكلموا في الموبايل وهما شحاتين

والربع مساطيل ومحششين

بس سيبك أنت احنا ناس طيبين

وربنا ساترها وماشيه بدعاء الوالدين

وصدقني حانفضل كده علي طول وليوم الدين

يخرب عقلك ياموهرة احنا بجد عايشيين
وياريت تجيبي مواضيع عشان نكون للمنتدي راجعين
وتفضلي تضحكينا علي مر السنين

وتتجوزي زي عنتر او صلاح الدين

ههههههههههههههههههه

تقبلي مروري يا موهرة

ahmed mora كتب:: يخرب عقلك ياموهرة احنا بجد عايشيين
وياريت تجيبي مواضيع عشان نكون للمنتدي راجعين
وتفضلي تضحكينا علي مر السنين

وتتجوزي زي عنتر او صلاح الدين

ههههههههههههههههههه

تقبلي مروري يا موهرة

]size=24]احمد مراد ايه الشعر دا احنا معانا فنانين فى المنتدى ولا ايه

ماشى ياسيدى مقبوله منك اتجوز زى عنتر مااااااشى

اوعدك انى هجيب مواضيع علشان نرجع للمنتدى تانى

شكرا على الشعر ياسيدى[/size]

» حالة حب مع الله
» الجواز فى مصر اليومين دول