عريسك عندنا....... اتصلى ب0000000000

بسم الله الرحمن الرحيم
السلام عليكم ورحمة الله وبركاته
(احم احم احم....رد السلام فرض)

عريسك عندنا .. اتصلي 017469... الخ

(على سور حيطة فى الشارع مكتوب)

عريسك عندنا017469 بدون ذكر ارقام ( اسفة .. نسيت احفظ الرقم )
بدوري على عريس 017469 بدون ذكر ارقام ( اسفة .. نسيت احفظ الرقم )
لا اله الا الله عريسك عندنا 017469 بدون ذكر ارقام ( اسفة .. نسيت احفظ الرقم )
صلي على النبي عريسك عندنا017469 ان شاء الله بدون ذكر ارقام ( اسفة .. نسيت احفظ الرقم )

Cut
وهنرجع تاني لعريسك

انسة فى سن الجواز المفروض الحوار البايخ اللى كان بيدور زمان

طنط حشرية : ايه دا انتى لسة مااتجوزتيش
البنوتة : تؤ (( ووشها فى الارض ومكسوفة ))
طنط حشرية: طب ومكسوفة ليه ياحبيبتى انتى كبرتي وبقيتي عروسة
البنوتة : هههه (( ضحكة رقيقة وهادية وتمشي تسيبها ))
طنط حشرية فهمت انها بنوتة جميلة رقيقة عندها حياء
وياما تجوزها ابنها او تدورلها على عريس مش مهم المهم انها عندها حيااااااااااااااء

نفس الحوار البايخ دلوقتى فى زماننا دا :

طنط حشرية : ايه دا انتى لسة مااتجوزتيش
البنوتة : لا للاسف شوفتى اصل الرجالة عميت وماحدش بيفهم سايبين القمر دا كله انا خلاص هعنس
طنط حشرية : طب وقاعدة كدة ليه يا حبيبتى مش تدورى على عريس وتحطي احمر واخضر وفحلقى ...
( وحاجات كدة بناتية مااعرفهاش انا بسمع عنها بس )
البنوتة : هههه يلا بقى دوريلي على عريس لاحسن انا هموت واتجوز
ولو فى فرح قوليلي اجي على طوول خصوصا لو العريس امور واصحابه معزومين .
طنط حشرية : حاضر ياختى وانا بردو هسالك فتكات وانتى اعملى اللي عليكي وخلي الباقى على ربنا

ويخلص الحوار بضحك وكهكهة والبنت بدل ما كانت هي اللى بتطلب وبتقعد معززة مكرمة فى بيتها بقت دلوقتى الكورة فى ملعب سعادتها وهي اللى تدور عالعريس وتحاول توقعه باى طريقة المهم تتجوووووووووز

نرجع تاني لعريسك عندنا ..

انا عايزة افهم هو اللى كان اسمه حياء راح فين ؟
يعنى انا مثلا لو انسة وعروسة فى سن الجواز اتصل بالرقم اقوله عايزة عريس لو سمحت
وبعدين اديله بياناتي واستنى لغاية ما يليق بياناتى مع بيانات واحد زي حالاتي !!!!
وبعد ما كنت بدور عليه هتجوزه ؟!!!!!!!

بصو انا مش عارفة ولا مش فاهمة ولا ايه
بس اعتقد ان تفكيري ماوقفش للدرجادى
هوالراجل العربي الشهم والحمش اتغير ولا دي نقرة ودي نقرة تانية ؟؟

وطالما في كل الطرق دي سواء مكاتب زواج او مواقع وشات وارقام مكتوبة عالحيطة
ليييييييييييييه نسبة العنوسة بتزيد ؟؟ وكمان الطلاق بيزيد بين حديثي الزواج ؟؟
هتقولو عشان عدد البنات اكتر من عدد الولاد ؟؟
طيب ليه الشباب مش بيتجوزو ؟؟ وليه هما كمان مش لاقيين بنت الحلال
رغم ان في منهم جاهز مادياً بس بردو مش لاقيييييييييها ؟؟

وسؤالي بغض النظر عن الرغي دا كله ..
بالنسبة للبنات ترضي تتجوزي بالطريقة دي ؟؟
والشباب .. ترضى تتجوز واحدة بالاسلوب دا ؟؟
ترضاها لاختك ؟

طب انت ترضى اختك تتجوز ازاى؟؟
وانت عاوز تتجوز ازاى؟؟؟

ولا دي بقت الطريقة المناسبة للعصر اللى احنا فيه !!!

ههههههههههههههههههههه

واللة يا مهرا المفروض ان البنت غالية وجوهرة لايملكها الا الى هيزيد جمالها ونورها مش لاى حد كدة

وانا عن نفسى لازم ادوخ ابن الحلال واطلع روحة واخلية يلقح نفسة من فوق البرج علشان يثبتلى انة بيحبنى وعايزنى وساعتها ممكن اوافق بية

ههههههههههههههههههههههههههههههههههههه

ههههههههههههههههههه كده مش هيجى ياميروووووووووو ههههههههههههه هيقول بناقصها

بس عامة الجواز مش بانك تطلعى عينه او يرمى نفسه علشان تعرفى انه بيحبك

كفايه نظره من عيونه كفايه تحسى بحنيته دا كفااااااااايه اوى كفايه انه يتقى الله فيكى كفايه انه يكون صادق معاكى

وربنا معاااااااكى

وشكرا لمرورك الخفيف ده

هههههههههههههههههه

كتير شيق الموضوع

والاسلوب كتير عجبنى تسلميلى ياعمرى

» اعرفي عريسك بدري بدري من طريقة اكله