ابتسم أنت فى مصر!!!

يقال إن87%من الشعب المصرى ساخطون على الحكومة المصرية ... ما تعليقك؟
ــ ال 13% الباقيين معاهم جنسيات أخرى .

...تقرير :45% من الشعب المصرى مصابون بمرض السكر ما تعليقك ؟
ــ آدى اللى خدناه من" الحلوانى " اللى بنى مصر ..

ما أهم مظاهر الفهلوة عند المصريين ؟
ــ انهم يشكون فى الشحات ولا يشكون فى النصاب .

ليه الحزب الوطنى بيعمل اعلانات لنفسه مع ان البلد كلها بتاعته ؟
ــ زى ما شبكة الأوربت بتعمل اعلانات لنفسها على شاشة الأوربت ..

ما الفرق الأهم بين مصر وأمريكا ؟
ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .

ما أهم قاعدة موجودة فى مصر ؟
ــ ان مفيش قاعدة لأى حاجة

ما وجه الشبه بين السد العالى وقانون الطوارىء ؟
ــ الأثنان مصدر " للكهرباء!!!" .

لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .

أين يمكنك أن تلاحظ سوء نية المصريين ؟
ــ عندما يغنون للطفل البرىءبمنتهى الخبث قائلين ..... يارب يا ربنا " تكبر وتبقى زينا .

ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
ــ علشان بيشتغلوا فى القطن , و " القطنة ما بتكدبش " زى ماقالت مدام نظيفة.

امتى بتحس ان البلد حلوة ؟
ــ ما باحسس ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)

امتى هناكل جوافة من انتاج مزارع توشكى ؟
ــ لما نلاقى المشمش!!!!!

هل لك أقارب استشهدوا فى الحرب ؟
ــ لأ عندى أقارب استشهدوا فى السلام ..... " السلام 98" .

60 % من الرجال المصريين يشخرون وهم نائمون ...... ما تعليقك ؟
ــ ال 40 % الباقيين بيشخُرووا وهما صاحيين .

ما تعليقك على أن المصريين لا يتحدون الا لما يكون المنتخب بيلعب ؟
ــ الاستاد هو الحل !

ما الدليل على أن مصر بلد الامان ؟
ــ الدليل ان الواحد بيتردد كتير قبل ما يدخل أى قسم شرطة .

ايه الكلمة اللى ما بتحبش تسمعها وانت فى أوضة العمليات ؟
ــ يا خسارة .

بماذا ستجيب كمصرى عند سؤالك عن عمرك فيما أفنيته بعد عمر طويل ؟
ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح ...

من المستفيد من الزحام الذى يسيطر على شوارع القاهرة ؟
ــ المستفيد الاول: شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى: " مخالفات استخدام المحمول أثناء القيادة ".
المستفيد الثالث: هى الشركة الشرقية للدخان حيث يتزايد معدل الحرق على سبيل " التنفيث " .
المستفيد الرابع: هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس: هم أطباء الأمراض الصدرية .
المستفيد السادس: المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .

ليه بيقدموا الساعة ساعة عندنا فى الصيف ؟
ــ علشان مصر تتقدم بينا .

ايه اكتر حاجة بتجمعنا كمصريين ؟
ــ حبنا للكابتن ابوتريكة .
ــ حبنا لأبو تريكة بيخلينا ندعى له من قلوبنا يارب يخف يارب يلحق ماتش المنتخب يارب أبوتريكة ينزل دلوقتى ، ما أظنش ان فيه حد فينا دعى لمصر بأى حاجة من زمان .
ــ حبنا لأبو تريكة خلانا نصفق له ونقف وراه لما رفع فانلة عليها " تعاطفا مع غزة " ، لكن لما الغزاوية دخلوا عندنا شوف بأه .
ــ حبنا لأبو تريكة خلا معظمنا يمشى فى الشارع لابس تى شيرتات عليها رقم 22 ، حد فيكم فكر يعلق علم مصر فى البلكونة عنده ؟ .

لماذا يقال عن الشعب المصرى انه شعب فوضوى ؟
ــ علشان بيكره " النظام

عدد المساهمات : 327 نقاط : 441

أبتسم أنت فى مصر !!!!!!!!!!!

وايه فى مصر يخلينا نبتسم يادوبه قوليلى والنبى ؟

نايس توبيك يادوبه

المستفيد السابع الشركة المصنعة للأدوية المهدئة بالتساوى مع صيدليات على على

ما تنفعش صيدليات د. ............

طبعا عارفين قصدي على مين؟

ميرسى يادودو ياحبيبة قلبى

هههههههههههههه ماشى يادقة قلب بس بليييييييييييز بلاش سيرة الصيدليات احنا هنا بنرفة عن نفسنا نوعا ما بلاش بقى خنقة الصيدليات دى بليييييييييييييز

ومنور التوبيك ياباشا

ليه بقى كده مالها الصيدلياااااااااااااااااااات اوعى حد يتكلم عليها انا بقول اهو هههههههههههههههههههه

تقبلى مرورى ياموهرا

هههههههههههه لاياحبيتى هو حد يقدر يجيب سيرة صيدليات ربنا يجعل كلامنا خفيف عليهم هههههههههههههههههه

طبعا يسعدنى مرورك ياسكره

» عش.....ابتسم......سامح
» ليــس كـل مــــــن آبتـسم لـك يحبـك..!
» ابتسم انت فى دوله عربيه