تفتكروا دا حب

حد فينا بينه وبين نفسه كده سأل نفسه يعنى ايه الحب ده.سعات كتير بلاقى ناس بتشوف الحب فى الاغانى و الكلام العاطفى اللى بيحرك المشاعر,وسعات ناس تانيه بتشوفه فى المواقف اللى بتقابلهم فى حياتهم يعنى مثلا واحده تشوف واحد "حبيبها يعنى" خايف عليها من الهوا الطاير وبعد الجواز بقى.....................يبقى عاوز يولع فيها .لكن تعالو نحسبها صح
من وجهة نظرى المتواضعه الحب ده انواع
حب روحى دا بقى ارقى انواع الحب تخيل تبقى عاوز ترضى حبيبك بأى صوره وبأى شكل
المهم تتفانى فى حبه وطبعا مش هقول انك مش هتنتظر تضحية الطرف الاخر ودا بقى يااخوانا مبيجيش غير لما تتعلمه من حبك لحبيبك الرحمن ورسولك الكريم "صلى الله عليه وسلم" ما تصلوا ع النبى امال.
حب فطرى ودا بقى اللى بيبقى بين الام وأبنائها والأخوه وأخواتهم صحيح فى الزمن دا الاخوات مبيعرفوش بعضهم بس ماتنكرش ان لو حصل حاجه لاخوك تلاقى نفسك مره واحده عنيك دمعت وبينك وبين نفسك تدعيله.
حب إكتسابى ودا بقى اللى بيكون بالمعاشره بإختصار اللى بيبقى بين الأصدقاء وبعضهم وعلى فكره ياجماعه أحيانا بيتحول الى حب فطرى وعلى رأى المثل "رب أخ لم تلده امك"
حب مؤقت دا بقى ................ايه دا بقى دا بقى ده . دا بتاع "اول مره تحب ياقلبى" وطبعا رائد الحب ده عمنا كلنا تامر حسنى .باختصار دا الحب اللى بندور عليه فى كلمات الاغانى ,الحب اللى دايما يبتدى بنظره ثم ابتسامه وفى الأخر يقولك حسنه وتنفع يوم القيامه.طب ازاى بس والرسول "ص"بيقولك النظره الاولى لك والتانيه عليك ,تبقى ازاى بقى حسنه!!!!!
دا الحب اللى بيبتدى برغبه وينتهى بطلاق وتشرد اطفال أو ممكن يستمر بس بيفضل كل طرف كااااااااااااااره الطرف التانى زى الواحد اللى كان عاوز مصلحه وقضاها خلاص.وفى الأخر بيجيبوا اطفال ضايعين لا عارفين دنيا ولا دين """""تفتكروا دا حب"""""
ياجماعه نفكر شويه ونختار الحب الصح اللى لا يخالف دين ولا شريعه ولا تقاليد ولا عادات
عشان أولادنا اللى بعد كده يتربوا صح يعيشوا فى بيت مليان بالحب . حب الله ورسوله"الجب الروحى" . حب الأب والإم لابنائهم "الحب الفطرى" . حب الأبناء لأبائهم وامهاتهم " الحب الاكتسابى".
تفتكروا فى أحسن من كده حب
أرجو ان مقالى ينال اعجابكم وفى انتظار ردودكم