[center]فوجئنا بخبر استئصال مرارة السيد الرئيس والحمد لله تمت بنجاح وخرج منها بسلامة الله ومن الله عليه بالشفاء ولكن كعادة الناس لم تترك موضوع الا وتكلمت فيه الناس مستغربة ان سيادة الرئيس ذهب لاجراء عملية بسيطة في المانيا ناس غريبة اوي أمال يعني هيروح يعملها في مستشفى ام المصريين ولا في مستشفى السيدة زينب هو بس محبش يعملها هناك عشان ميزعجش المرضى بتوعها حرصا على الهدوء لراحة المرضى وكمان عشان الشعب ميتعبش نفسه ويجيي من كل محافظات مصر لزيارته بعدين اكيد القوميسيون الطبي بتاع التأمين الصحي بتاعه وداه على المانيا ايه المشكلة يعني
اختلف الكثير من الفقهاء حول السبب الرئيسي في العملية او بمعنى أصح من الذي فقع مرارة الرئيس ؟ أصحاب الرأي الاول يرون ان من ارتكب تلك الجريمة هو البرادعي فمنذ وصوله الي ارض المحروسة وتسبب في بلبلة للشعب خاصة ان الشعب طول عمره طيب وبيسمع الكلام ومش بيعمل شقاوة ومطرح بالحكومة بتحطه بيقعد ساكت أصحاب الرأي التاني ليهم رأي تاني اكيد وهو ان الشعب دا مش بيجيي من وراه غير الهم والنكد والقرف والمشاكل متمرد طول عمره وعينه معمية عن كل الانجازات اللي حاصله وبيخترع مشاكل وهموم وادي اخرتها الراجل يعمل ايه يزوره بعدين الراجل العريس الجديد اللي لسه مدوبش بدلة الفرح نظيف ياخدوه من الدار للنار الراجل يكون عريس يقولوله هتتولى رئاسة الجمهورية وكل صلاحياته لحد الباشا ميخف ينفع كدا ؟ شهر العسل يعمل فيه ايه
وأدي اول المصايب بدأت عندما غاب الرئيس عن البلد ازمة الجاز ؟ الجاز اختفى من البلد الله اعلم اختفى ليه الناس مخبيا الجاز ليه ؟هيستقبلوا بيه سيادته في المطار ؟ قصدي يعني يضيئوا الانوار بيه مش حاجة تانية دلوقتي البلد عايشة ازمة الجاز بمجرد مخرج الريس عشان كدا احنا عرفنا قيمته احنا من غيرك يا ريس منساويش حاجة في سوق الشعوب
الموقع
موضوع: من الذى فقع مرارة الريس؟ 
