الجماعه عايزينها تبقى حمرا

شوفوا يا سادة يا كرام .. لو بصينا حوالينا كده .. يمين .. وشمال .. وممكن فوق وتحت . حنلاقي توجه عاااااام لشئ واحد بس مصر..

سيبك من الصناعة المتنيله بستين نيله ..

او الزراعة اللي الحمد لله تم تحويلها لطوب وبيوت ..

او العقول المصرية اللي بتهرب من القرف والفساد والمحسوبية القاتله لكل موهبه وامل .

او اي شئ في مصر من المفترض ان يخليها تتقدم.

سايبين ده كله وماشيين زي العمي ورا شئ واحد .

الا وهو حقوق المرأة .

طب يا ولاد ال ... .. حلال .. ما هو حقوق المرأة بتاعتكم دي .. اساسا من حقوق الانسان .

لا ازاي ؟ دي هيه نصف المجتمع وهي اللي واللي واللي ..

ولازم تاخد حقها . وتتهنن وتدلع وتبقى فوق الكل .

جميل !!!

طيب انا ازاي اطلب من الزوج المحترم اللي طالع ...... اهله في الشغل .. من صاحب الشركة -المصري او الاجنبي ما تفرقش- ده لو لقى شغل اصلا .. وبيشتغل اكتر من اللي بيحدده القانون .. وبيتمسح بكرامته الارض .

-هااااااااااه .. عاجبك والا على ماما .

ولان ما فيش اصلا حتى ماما .. بيطاطي البصله واديها شغل وامره لله .

جاي انت تطالبه انه يحترم حقوق المرأة ..

حقوق مرأة مييييييييييييييييين

يا عم انت .

ده شويه الستات اللي لمينهم وعملوا بيهم مظاهرة عشان حكاية تعيين النساء في مجلس الدولة . وقالوا عليهم وقفه غاضبه .. مش اكتر من شو اعلامي . والنبي انتو شوفتوهم . ده كان منظر ستات غاضبات بالذمه . واقفين بيضحكوا . وكأنهم في مسرحية .. وهيه فعلا كده .

والمشكلة ايها السادة ان كل ده مش عشان خاطرنا ولا خاطر المرأة المصرية. ولا اي حاجة . كل ده عشان خاطر تعليمات من الغرب للمؤسسات المصرية .

ليييييييييييييييييه ؟؟

لانهم عارفين ان تحكم المرأة في أي مؤسسة او مجتمع عادة يحكمة الهوى.

اي العاطفه.

وكمثال بسيط .. حقوق المرأة العراقية اللي الحمد لله بفضل امريكا اخدتها ..

وسبقهم فيها المرأة الافغانية. اللي هوا اهم حق عندهم في الولايات المتحده ..

الا وهو حقها في القلع .

ايوه والله .. اول نجاح لامريكا في افغانستان .. كان انهم خلوها تقلع النقاب ..

-رغم اني مش بايده - وواحده واحده البقيه .

ولنا في العراق عبره .. واللي اخدته الستات عندهم والحمد لله من حرية ممكن

تشوفها على الانترنت في الافلام القصيره المشبوهه لترى ما يحدث وعلنا في

الشارع.

لو كانت المسألة منح حقوق ..

فالاولى بقه اننا ندى المواااااااااااااااطن المصري حقه .

والمواطن دي يعني رجل وامرأة وكل انسان يحمل الجنسية المصرية. اللي فيها

مصريين دلوقتي عندهم استعداد يبيعوها بشلن من اللي بيحصل فيهم..

ستات قبل الرجالة .

المشكلة ببساطة ووضوح ..

عايزني المجتمع المصري ينفتح..

وينفتح .. وينفتح .. لحد ما .. ......

ويستعد للعصر القادم من التقدم .. من تحويل مصر لـــ..

دولة زراعية .. كان حلم وراح .

دوله صناعية .. ابقى قابلني .

دوله تكنولوجيه .. بنجيبه من بره .

امال ايه ؟؟؟؟

دوله ما فهاش اي حاجة .. غير السياحة .. فنادق وملاهي .

وعيييييييييييييييييييييش يا وديع .

ولنا في هذا الموضوع قاعدة

ش
يا سلااااااااااااااااام
شاعرة المنتدي بتبدع وربنا

ابداع من بعد ابداع

وعشان ادخل في صلب الموضوع علي طول

المفروض ما نقللش بموضوع " وديع " ده

دا بيقولوا في سياسة هتطبق جديد
اسمها " وديع لكل مواطن "

اه

ماهي خربانه خربانه
وخلي الحريم تفرح بقي
المشكلة فعلا ان وقت الفراغ ده مخلي الناس
وإن شاء الله حتي الكام هرم اللي عندنا هتيجي اسرائل تخدهم
عشان بيقولوا ان الاهرامات دي اساسا بتاعتهم

والكام بحر اللي عندنا هينشفوا
وابقوا ورونا السياحة بقي

تقبلي مروري يا موهرة

متمني لي ولكم دوام التوفيق والعافية

.

احمد مراد انت مبسوط بالموضوع ده اكيد اعرف انك ضد المرأه فى اى شىء

على العموم انا صحيح بيأيد المرأه فى كل شىء الا كده طبعا

المرأه مملكتها هو بيتها فقط ليها الحق انها تكون المديره فيه

انما غير كده اسفه جدا اعترض

نورت التوبيك يااحمد شكرا للمتابعه

عدد المساهمات : 2 نقاط : 2

[والله عندك حق ... ما هو احنا شاطرين بنيجى عند الهايفة ونتصدر هى دى مصر ... ومنها حقوق المرأة وحقوق البدنجان ... ويمسكولنا فيها .. وكأن المرأة فى مصر يعينى طالع عين اللى ....... وسيبين حاجات مهمه هى حقوق الانسان فعلا ... لو سألت اى واحده عايزة ايه ؟؟؟؟ هتلاقى الاجابة عايزة تتجوز مش عايزة حاجة أكتر من كده لا عايزة حقوق ولا عايزة مشاكل ولا عندها اصلا مشاكل ... طب شغلوا الشباب واعطوا الشباب حقوقهم .. وسكنوا الشباب تأكدوا ان مش هيبقى فى مشاكل للمرأة ... بس احنا كده عند الهايفه ونقف ... وفى الاخر بنرقص على السلم لا محصلين دولة زراعية ولا صناعية ولا حتى سياحية

واللع عند حق vip كلامك كله مظبوط انا نفسى بس صوتنا ده يوصلهم العالم دى شكرا لمرورك vip

» أنك تبقى سعيد سهل ولا صعب؟