يعنى انتى اخدو منك ابنك .... وهما بنتهم اشتروها جاهزه ... دى حاجه تجنن

مش كفايه استفزاز بقى ولا ايه ؟؟
كل ما واحده خلفت لها ولد عملت نفسها
انها عملت اللى ما حدش عمله
ويوم ما تجوزه

تبقى جت واحده خطفته منها
بعد ما حملت وربت وسهرت وتعبت جت واحده اخذته على الجاهز !

على اساس ان اللى جت اخدته دى امها اشترتها جاهزه
من السوبر ماركت
مش هى كمان حملت وولدت وسهرت وربت
وجه واحد اخدها منها على الجاهز

وبالعكس بقى فراق البنت عن بيت اهلها بيكون اصعب واشد
لان البنت طول وقتها فى البيت قدام عيونهم
وبتساعد وبتعين
بس يوم ما بتتجوز بيفرحوا
وبيعرفوا ان دى سنه الحياه

لكن الولد امه متعوده على خروجه وسفره وغيابه عن البيت
يا اما مسافر يتفسح مع اصحابه
او بيدرس او بيشتغل فى بلد تانيه
او لما يدخل الجيش
يعنى ام الولد متعوده
وساكته وراضيه
اشمعنى بقى لما يتجوز بتقيد نارها
وبتبقى عايزاه متخيط فيها ليل ونهار
وبتفتكر بس ان مراته اخدته

طيب ماهى مراته دى هى اللى بتخدمه
بتآكل وبتشرب وبتغسل وبتنظف وساعات بتشتغل بره البيت عشان تساعد فى المصروف
وبتخلف له عياله وبتربيهم
وبتسهر جمبه فى مرضه
كل ده مش فى الحسابات !!!!
امتى بقى النظره الخايبه للامور دى تتغير
وكل ام تفتكر يوم ما اتجوز ابنها انها زى ما تعبت وربت
فيه ام تانيه برضه تعبت وربت عشان تديله بنتها
عشان الاتنين يكونوا اسره جديده

لان دى سنه الحياه
اللى ربنا خلق عليها الكون
ولو كل واحد اتقى ربنا
الحياه هتبقى كلها بركه

والله قضيه مهمه جدااااااااااا بس مش دايما بتحصل ياموهرا مش كل الامهات يعنى عقلها صغير كدااااااااااااااااا اقليه بس عندك حق هما فعلا يستفزوا اى حد وعلى فكره فى امهات بنات برضه بتعمل كدا بس نادر اوى لما تلاقى يعنى بس البنت العاقله بقى اللى تكبر دماغها من المواضيع دى اصل برضه مهما كان دى أم ولو بتحب جوزها فعلا هتعدى حاجات كتير اوى علشانه

تحياتى موهرا

عندك حق لو البنت بتحبه اكيد هتكبر دماغها من كل شىء

طيب لو مش بتحبه يانونه هتعمل اييييييييييييييييه

عدد المساهمات : 327 نقاط : 441

فعلا لو بتحبه بس مش لو بتحبه بقى هتعمل اللى بتقولو عليه ده

عموما ربنا يهدى الجميع

ربنا يبارك فيكم ياااااااااااارب بس فعلا الموضوع مضايقنى جداااااااااا ياجماعه

طيب فعلا لو مش بتحبه زى ما ضحكه قالت ايه الحل ايه الحل؟؟؟؟؟؟؟؟؟؟؟؟

يعنى انتى اخدو منك ابنك .... وهما بنتهم اشتروها جاهزه ... دى حاجه تجنن Sigpic967348

يعنى انتى اخدو منك ابنك .... وهما بنتهم اشتروها جاهزه ... دى حاجه تجنن Sigpic967348

باين عليكى يا مهرا حماتك مجنناكى بسبب الموضوع دة على العموم الدنيا ياما فيها ودى بتبقى غيرة من الام على ابنها او بنتها وكل واحد حسب شخصيته فى غيرة بتبان بالكلام وغيرة بالافعال وغيرة بالنظرة والغيرة دى بتنتهى مع اول مولود بييجى لان الام بتنشغل باحفادها وحركاتهم كانها هى اللى ولدتهم و صدق اللى قال اعز الولد ولد الولد

عندك حق ياليالى اعز من الولد ولد الولد ولكن فى حموات بتفضل طيلة حياتها تعذب فى مرات ابنها ومعرفش ليييييييييييييييه عموما برضه هقول مش كله علشان محدش يزعل

وفى ملحوظه انا ماعنديش حما ولا حاجه وانا مش متزوجه ولا مخطوبه ياليالى هههههههه بس اللى ضايقنى انى شوفت اللى حصل دا قدام عينى من ناس قريبه على قلبى اوى

وشكرا ع مرورك ياقمر

» يعنى ايه ؟؟؟
» حبيبتى انتى فاهمه الموضوع غلط!!!
» أنت ياواد ياقمر خد هقولك .. خد بس..(حاجه تكسف)