de7ka
عدد المساهمات : 327 نقاط : 441
| موضوع: جراح القلب بتنادي دموع العين الثلاثاء أكتوبر 26, 2010 7:53 am | |
| جراح القلب بتنادي دموع العين
ترد عليها مشتاقة لقلب حنون
حبيبها أمرها و ده من سنين
تخبي الدمع و الأنات والشجون
ما أنت يا ها القلب عارف الحكايه
ولا جرحك أساك و نساك النهايه
إن نسيت أحكيلك أنا م البدايه
قصة حبيبين كانوا ف الحب آيه
تشوفهم تقول بدر السما
نصين قمر و اتجمعوا
عاشوا اللحظات
سهروا الساعات
و أدوا لبعض أحلي السمات
عودته ع الصراحة و الوفا
و كانت ليه م السجاره الدوا
فعلمها تخشع ف الصلا
و تفتكره دايما ف الدعا
افتكرت يا ها القلب الحكايه؟!
ولا أكمل لحد ما أوصل للنهايه!!
يمكن ساعتها النهايه ترجع بدايه!!!
خاف الاتنين م الوقت علي حبهم
فقالوا يجروا يفرحوا بيه أهلهم
و هنا كان دور حكم القضا
فالأهل أعلنوا عدم الرضا
فاكر يا ها القلب ف اليوم ده قال أيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قال لها وبكل حنان
لو ليا ف قلبك مكان
انسي كل اللي كان
و أما ابقي فارس الفرسان
هآجي واتحدي بيكي الزمان
و هقولك كل اللي فات
ما إلا حبة جنان
يا حبيبتي أحنا لبعض
و مفيش ما بنا بعد
حبي و عيشي من بعدي و ألبسي كل الالوان
وأنا وحياة رب الكون
عمري للعهود ما هخون
دا حتي العشره ما تهون
ومسح بأديه دمع عنيها
وكانت أول مره يلمس وجنتيها
و قالها اتمنى أكون آخر من يمسح دمعـك
و إياكي في بعدي مره تظهريها
افتكرت يا ها القلب الحكايه؟؟؟؟
شفت اتكتبت إزاى النهايه ؟!!!
و أنا من يومها حبيسة العين
مأموره بأن اختفي إلي أن يعود
فليتك لا تنادينى ... فقط نادي الغائب الموجود | |
|
lyaly
عدد المساهمات : 27 نقاط : 35 الموقع : القاهرة
| موضوع: فنانه بجد الثلاثاء أكتوبر 26, 2010 12:04 pm | |
| بصراحة يا ضحكة إنتى عن جد فنانة وحكايتك دى بين العاشقين أجمل حكاية و إن شاء الله نهايتها هتكون البداية ويرجعوا لبعض الحبيبين ومعاهم أجمل ضحكاية | |
|
de7ka
عدد المساهمات : 327 نقاط : 441
| موضوع: رد: جراح القلب بتنادي دموع العين الثلاثاء أكتوبر 26, 2010 12:23 pm | |
| ليالى الجميله شكرا على ردك الجميل ومنوره الموضوع | |
|