من القلب للقلب منتدي كل القلوب
أهلا وسهلا بزائرنا الكريم

نتمني لك وقت ممتـــــــــــع

للاشتراك في المنتدي اضغط علي " التسجيل "

من القلب للقلب منتدي كل القلوب

منتدي من القلب للقلب منتدي لكل الحياة منتدي ترفيهي لنشر الثقافه الأدبيه والعلمية وتنمية المواهب وابداء الرأى
 
الرئيسيةالتسجيلدخول

شاطر | 
 

 باركولى عنست

اذهب الى الأسفل 
كاتب الموضوعرسالة
mohra sayra

avatar

انثى
عدد المساهمات : 868
نقاط : 1564
الموقع الموقع : egypt

مُساهمةموضوع: باركولى عنست   الخميس سبتمبر 23, 2010 12:26 pm


موضوعي حبيت اكتبه بعد ما قريت مدونة جميلة جدا يمكن كتير فيكم عارفة هي كنت عايزة اتجوز لغادة عبد العال بصراحة أبدعتي ياغادة
ويمكن الكلام اللى حقوله النهاردة مش للبنات اللى بيطلقوا عليهم لقب عوانس عشان انا مش بحب اللقب ده
الكلام ده لأبويا وأمي
ومش أبويا وأمى بوجه التحديد لاء
لكل أب وكل أم لكل بيت فيه بنوتة حلوة كانت او وحشة معاها ليسانس أو دبلوم أو حتى متعلميتش
لكل أم وكل أب
جوزنا ده رزق محدش عارف حيجي أمتى
جوزنا مش مجرد لقب بنتك حتاخده وتقولى بنتى بقيت مدام
جوزنا ده مسئولية وأسرة بتتبني وعالم جديد علينا
كملنا 25 ولسه متجوزناش متزعليش ولا تضايقى وتقولى أمتى حفرح بالبت دى خلصت عنست
جوزنا مش سجاد حيتفرش ولا ستاير حتتعلق ولا حتقولى بتى جالها دهب بكام وفرحها كان وكان
أمي مرة قالتلى أن شبكتها كانت بعشرة جنيه ضحكت وقولتلها زمن غير الزمن
أمهات كتيرة مش فاهمة ان الدنيا أتغيرت وان الزمن غير الزمن لما كل أم وكل أب يقعد ويشرط ويقول دهب بكذا والفرح فى الحتة الفلانية
والام تقعد انا عاوزة تجيب مواسم وتعمل شبكة فى نادي ولما تسأل ليه كل ده
يقولوا بنتنا غالية
نفسي أجيب حاجة وأفوق كل أب وأم بيفكروا كده احنا غاليين بس احنا مش بيعه وشروه
احنا نفس وحياة احنا اساس وكيان
احنا محتاجين لحنان مش فرح تقولي بكام
متزعلوش منى صحيح فى أهالى كتير مش بيفكروا كده
ويقولوا اهم حاجة الاخلاق اكييد اهم حاجة الاخلاق
امال ليه بنرفض الفقير اللى معاهوش ونقول مش لازمنا ومينفعناش
فوقوا مرة واحدة وبصوا علينا
صحيح خايفين علينا
صحيح همكم مصلحتنا
شوفتى بنت رسولنا البتول الزهراء اتجوزت ازاى
صدقيني ياامى انا مجيش حاجة جنبها
ياابويا شوفت ابو بكر عمل ايه مع الزبير بن العوام وجوزه ذات النطاقين ازاى
حتردوا وتقولوا انتى قولتى الزمن غير الزمن
حقولكم صح
بس رأفة بينا وبشبابنا
رأفة بينا وبيكم
عاوزاني ألبس الطرحة البيضا
خلينا ألبسها الأول جوا قلبى وأحس أنى مبقيتش عانس وتبصي لينا ياامهاتنا بحسرة ومصمصت شفايف
في قضة كنت عاوزة اتجوز برايد كان بيجلها عرسان كتير صحيح عاهات لكن كان فيه
في كتير من بناتنا مش بيطولوا عريس واحد من العاهات دى
معلش طولت عليكم
لكن كلمة أخيرة
بما انى قولت ان الجواز رزق حبيت أذكر قول الله تعالى
وفي السماء رزقكم وما توعدون
وكلمة بحبها جدا
لعلها رحمة عدم جوازي او جواز أى بنت لغاية دلوقتى وأرجو ان محدش يزعل مني


mohra sayra
الرجوع الى أعلى الصفحة اذهب الى الأسفل
mera

avatar

انثى
عدد المساهمات : 189
نقاط : 287
الموقع الموقع : egypt

مُساهمةموضوع: رد: باركولى عنست   الجمعة سبتمبر 24, 2010 4:57 am

موضوع فوق الوصف
الرجوع الى أعلى الصفحة اذهب الى الأسفل
de7ka

avatar

عدد المساهمات : 327
نقاط : 441

مُساهمةموضوع: رد: باركولى عنست   الجمعة سبتمبر 24, 2010 10:54 am

الله غاده عبد العال اجمل ما قريت لها هو موضوع عايزه اتجوز اللى انتى نزلتيه ياموهرا فى المنتدى من فتره وبجد موضوعك دا جميل اوى وبيشبهله كتيييييييير ياموهر

بجد هنفتقدك كتير الايام اللى جايه متغبيش علينا ياااااااقمر احنا دايما محتاجينك ومحتاجين مواضيعك المميزه والمثيره جدااااااااااااا

تحيااااااتى
الرجوع الى أعلى الصفحة اذهب الى الأسفل
أميرة لكن أسيرة



انثى
عدد المساهمات : 127
نقاط : 200
الموقع الموقع : ...............

مُساهمةموضوع: رد: باركولى عنست   السبت سبتمبر 25, 2010 11:50 am

فعلا يامهر للأسف ان معظم الأباء والامهات بيفكرو كدا وبالطريقة دى

وفيها اية لما تبقي كل حاجة ع شرع ربنا وبالمحدود لكن للأسف كلة بيناظر لكلة

تسلمي ياقمر
الرجوع الى أعلى الصفحة اذهب الى الأسفل
 
باركولى عنست
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
من القلب للقلب منتدي كل القلوب  :: المواضيع العامة-
انتقل الى: