mohra sayra
عدد المساهمات : 868 نقاط : 1564 الموقع : egypt
| موضوع: دمعة فراق فوق الخدود اتجمدت الأحد أبريل 18, 2010 3:30 am | |
| دمعة فراق فوق الخدود اتجمدت
وقت الفراق الدمعة سالت علي الخدود وأتجمدت وعيون تلوم وأيدين تحوم ووجوه كساها الوجوم واتنهدت قالت حبيبي حتغيب كتير اصل وجودك بلنسبة ليا تحديد مصير
مقدريش أعيش ع الذكريات مقدرش أعيش علي ذكرة الوقت اللي فات ما ملكش غير ريحة هدومك وبصمة شفايفك علي الكاسات
حتغيب كتير اصل وجودك بلنسبة ليا تحديد مصير
حتسبني وحدي في قلب غابة مش خايف علي لحمي الطري مش خايف لا تنهشني الديابة مأنت عارف مفيش عندنا تحديد مصير للغلابة
حتغيب كتير اصل وجودك بلنسبة ليا تحديد مصير خد من أيدي الورق حتلاقي فية كل اللي باقي من ورثتي انا بهديهولك خدو من ايديا وأبتدي وبلاش تسافر هو انت عجباك فرقتي عجبك خدودي اللي جرحتها دمعتي
أنت اية والغربة اية هي الغربة دية دايبة في دمك ولا دموعي هدفك وهمك
حتغيب كتير اصل وجودك بلنسبة ليا تحديد مصير
متقولش دي أخر سنة كل سنة نفس الكلام علشان نجهز نفسنا علشان نلملم حبنا وديما بتنسى اللي فات من عمرنا وكل سنة تقولي دي أخر سنة
حتغيب كتير اصل وجودك بلنسبة ليا تحديد مصير
الخط الأبيض خد طريقة في غورتي واتكحل الأسود بياض واتكسى خلاص حبيبي معدش وقت للسكات معدش وقت نلحق العمر اللي فات فكر شويةوخلينا نلم الساعات اللي باقية من عمرنا
حتغيب كتير اصل وجودك بلنسبة ليا تحديد مصير امبارح جالنا علي البيت زوار وابويا منتظر مني القرار مقدرش ارفض فكر في حل ولا خلاص مفيش حلول غير الفرار
في اللحظة دي نزلت الدمعة اللي اتجمدت واتجمعت كل الدموع وفتحت فوق الخدود أنهار نزلت علي الصورة في ايديها تنهي الحوار
وصوت جه من بعيد جدتي يا جدتي انا كل يوم بلمح بعيني يا جدتي واحد عجوز بيلف حولين الجنينة ويسرق مني نظرتي
اتبسمت وقالت خلاص تم تحديد المصير مابين القوافي ونبضي اللي راح تضيق المسافة في قلب البراح وصوت الكلام بينعي الجراح ويعلن بدايه طريق الألم | |
|
ahmed mora
عدد المساهمات : 178 نقاط : 318 الموقع : عنواني كل بقعة تحت السماء
| موضوع: رد: دمعة فراق فوق الخدود اتجمدت الثلاثاء أبريل 20, 2010 1:56 pm | |
| الفراق فعلا شيء سيء جدا يا موهرا سايره ولما ربنا بيكتبه علي حد اكيد الحد ده بيحس باحساس مؤلم
ربنا ما يكتب الفراق علي حد مننا
تقبلي مروري يا موهرة موضوع جميل | |
|
mohra sayra
عدد المساهمات : 868 نقاط : 1564 الموقع : egypt
| موضوع: رد: دمعة فراق فوق الخدود اتجمدت الخميس أبريل 22, 2010 3:11 am | |
| فعلا يااحمد الفراق شىء مؤلم جدا بس لو لحد يستاهل واعتقد ان مفيش مخلوق على وجه الارض يستاهل لحظة ألم ولا حتى ندم لآن الوقت ده مفيش اللى بيقدر على الاطلاق وفى الحاله دى بيبقى الفراق ولا شىء عادى جدا
شكرا ليك احمد | |
|