mohra sayra
عدد المساهمات : 868 نقاط : 1564 الموقع : egypt
| موضوع: ملايين فى طرقك يافلسطين الجمعة أبريل 09, 2010 12:59 pm | |
| ملايين ملايين ملايين يا شعوب عربية بالملايين بغداد بتنادى وفلسطين يا شهادة يا نصر بالملايين
من بعد موت الكرامة ايه اللى ممكن يكون ضعيف بيطلب سلامة على الدنيا لازم يهون
عصفور وزهرة استغاثوا قاموا الصهاينة وعاثوا فساد فى أرض النبوه دمار وقتل وجنون
والنصر للملايين
راح فين ضميرك يا عالم وسط الدمار والهلاك تعالى شوف الطفولة مصلوبة على الأشواك
اااااه اااااااه ساد الظلام والاباده هى القانون والاراده ارهابى صبرا وشاتيلا دلوقتى اصبح ملاك
والنصر للملايين
القدس أرض المسيح مسرى الرسول الشريف ميحررهاش الكسيح ولا الجبان الضعيف
ياأهل وطن العروبة انسوا الكلام والخطا
القدس أطهر وأشرف من الدولار والرغيف
والنصر للملايين
غريب وراكب حصانه بيرمى حبلة التقيل يغرس فى غزة سنانة يأن وادى النيل
هدموا فى بيروت وغيرها وبكرة وهران وخيرها وأزاى مصير العروبة يبقى الخضوع الذليل
والنصر للملايين
يحكى تاريخ البطولة عربية صرخت آه هبت جيوش العروبة تنادى بسم الله
دلوقتى شهدا وحجارة هوان وضعف ومرارة لا حد نجد الحيارة ولا لبى وااقدساه
واللنصر للملايين
عد واقف قصادنا وأحنا نجرح فى روحنا واضح وباين وخاين محتاج غضبنا وسلاحنا
مهما تطول الحكاية للطاغى دايما نهاية والقوة هى البداية وغزة جمرة كفاحنا
والنصر للملايين
لموا قلبكوا امانة فى الفرقة ضاعت سنين مش بكلامنا وبكانا ينصرنا رب الدين ده الامه وحده ابيه للحق دايما قوية وبعدل عمر الفاروق وبسيف صلاح الدين
والنصر للملايين | |
|